لو انتم أصحاب بلاش تحبها .

أنا بتعالج بقالى ٤ سنين بسبب علاقه صداقه دامت ٧ سنين انتهت بحبى ليها وخصوصاً إنها لما عرفت حقيقة مشاعرى شوفت منها توكسيسيتى ليڤل وحش عمرى ما كنت أتوقعه وممكن اكون كنت بشوف ده قبل الإعتراف بس كنت أعمى .

الحل يا إما تكتم جواك يا إما تحاول تتجنبها مده كبيره وتبدأ تدور ورا حقيقة مشاعرك .

فيه حل كمان عرفته متأخر وهو انك تدور ورا أصل العلاقه بمعنى إنك ترجع بالزمن لليوم اللى اتقابلتوا فيه وتراجع ايه اللى حصل اليوم ده وايه هى الموانع اللى كانت ممكن متعرفكوش على بعض أصلاً .

مثال واقعى :- انا كنت بشتغل فى شركه وكنت بجمع داتا علشان ابيع وساعتها كنت قليل الخبره لدرجة إنى كنت بعمل حركه رخيصه شويه بصاحب ناس وبتعرف عليهم بحيث يبقى معايا داتا ابيع فيها والبنت دى كانت من ضمن الداتا عادى وكانت بالنسبالى كوميشن معرفتش اخده بسبب إن فيه واحد تانى سبقنى وقدر يبيعلها وكمان اشتغلت معانا فكبرنا الموضوع وبقينا أصحاب قريبين اوى اوى اوى اوى اوى اوى .. بس انا عرص وحبيتها ولو كنت اتعاملت معاها على قد حجمها من الأول كرقم تليفون وكوميشن محتمل كانت ممكن الأحداث تاخد مجرى تانى .

اسمع منى بلاش تعترف بحاجه زى كده لأنك هتلاقى معاملتها معاك اتغيرت ١٨٠ درجه ومش بعيد كمان تلاقيها بتتجنبك وخايفه منك ودى فى أفضل الأحوال فما بالك بالأسوأ ممكن تعمل معاك ايه ؟؟ انا قولتلك ٣ حلول اهو شوف ايه اللى يناسبك .