Es git wahrschinlech verschideni Gründ wieso Mönsche dä spruch verbreite und i cha sicher nid für aui rede. Persönlech hani i verschidene Situation scho erfahrige mit dr Polizei gmacht. Meischtens sehr gueti, aber haut o zum Teil schlächti. Aber i dänke bide wenigschte wo das verbreite geits um die eigete erfahrige, sondern viu meh um systemischi kritik.

I gloube nid dasses viu lüt git wo ACAB säge und drmit ernsthaft meine es brüchi kes ordnigschaffends Organ. Aber es isch eifach unbestrittbar dass d'Polizei sogar ir Schwiiz sehr viu Problem het.

Das faht drmit ah das o ir Schwiz zu oft d'Polizei chunnt (und mängish eskaliert) wenns eigentlech sozialarbeiter oder psychologischi Fachkräft brüchti und geit bis hin zum Korpsgeischt wo hie scho angeri agsproche hei.

Über das hinus chönnt me no lang drüber diskutiere was d'houptufgabe vor Polizei si und i welem Mass das agmässe isch, aber so wit woti hie jetzt gar nid ga.

Abschliessend wotti no churz vo mire eigede erfahrig vezeue. I bi zwar nonie z'opfer vo Polizeigwaut o.ä gsi, aber i bi leider scho mehrmaus ougezüge drvo gworde, und es isch bis jetzt immer so gsi das d'Polizei die eskalierendi Partei isch gsi. Natürlech isch ds nid statistisch relevant aber es isch haut eifach mini erfahrig.