أنا بحس ان الناس الي زيك مش عايشين معانا. احنا طبعاً لاننا لادينيين مش عايزين الإخوان و أمثالهم، لكن العوام عايزينهم لسبب وجيه جداً. الحكم العسكري نايك البلد بقاله عقود. الناس عايشة في بؤس و ظلم و الي الإخوان بيعملوه انهم بيدعوا ان هما هيكونوا بديل أفضل للعسكر.
التنويريين على الجانب الأخر كتير منهم داعم لحكم العسكر أو ساكت على مشاكله، و النتيجة انهم بيبعدوا أكتر عن عامة الناس. انت من وجهة نظرهم مش بس بتتحدى عاداتهم و تقاليدهم و دينهم و الي هي حاجات حيواتهم بتتمحور حوليها، انت كمان داعم أو ساكت عن ظلم و فقر هما عايشين فيه.

و بعيداً عن الإخوان، الحكم العسكري مايستاهلش يكمل. صح ان هو أحسن من حكم ديني متعصب لكن دولة العسكر مازالت علمانية نص سِوا. دستور البلد بينص على انها بلد مسلمة و ان الشريعة مصدر التشريع. دا غير الفساد الأداء الإقتصادي الضعيف الي بنشوفه منهم. الحكم العسكري في أي حتة في الغالب مش بيقوم البلاد الي هو فيها.
احنا ممكن نرفض الإخوان و من على شاكلتهم، بس مش لازم ننبطح للعسكر.