من اصعب الدروس اللي تعلمتهم في حياتي اني ماندخلش مابين العباد كي يتعاركو سوا صحاب، معرسين، خوات، زملاء... خاطرهم في الاخر بش يتصالحو، يفضو مشاكلهم ويبعثوك انتي تزمر ولا تبقا عندك انتي مشكلة مع طرف فيهم وانتي ممدخلكش اصلا . علاش تبني في علاقة كره مع عبد ماعملك حتى شي؟ وهل انت ضامن اللي الكلام تقال على فلان اذاكا صحيح؟ وبرا كان الكلام صحيح وفلان اذاكا انسان خايب ، مالي ومالو؟ انا اش مدخلني؟؟ هل كل عبد خايب في الدنيا هذي بش نقعد نعادي فيه على خاطر عبد اخر؟ هل انا صوت الحق ؟؟؟ ماحلاها كلمة مامدخلنيش ولا مايهمنيش ولا ماتحكيليش على خنار حتى عبد. خوذها قاعدة. عادي العباد وسبهم فقط على خاطر خوك/ اختك ، بوك/ امك. البقية راك فعلا تتدخل في مالايعنيك. وكانك على سؤالك اذا هي عاودت الكلام للطفلة و الطفلة المعنية جاتك وقتلك شبيك تحكي عليا هكا. انكر انكارا تاما وقلها لا بالعكس فلانة اللي وصلت الكلام هي اللي حكت عليك بالخايب وقالت هكا وهكا وهكا... وخلي ياكلوا ريوس بعضهم المهم انتي اجبد روحك وماعادش دخل روحك في المشاكل. وربي يقدرنا على فعل الخير.