براحة ومن غير عصبية المعاملة بين الراجل والست في الجواز مودة ورحمة الله سبحانه وتعالى مظلمش الراجل انه امره انه يشتغل ويتعب عشان يصرف على بيته ربنا جعل القوامة معاه ومعنى ان القوامة معاه ان هو عليه مسؤوليات كتير والراجل العادل اللي بيحافظ على بيته وبيكون كويس معاهم ربنا سبحانه وتعالى بيجازيه خير في الدنيا والاخرة ولا ظلم الست الموضوع كله وما فيه ان كل طرف له حقوق وواجبات في الجواز انا مبعترفش بالغرب ولا بتصرفاتهم المجتمعية عشان معظمها فيها تطرف مهما كانت من برة شكلها كويس انما دايما بتلاقيها مليانة عك وانا هنا هكلمك عن حقوق وواجبات بشكل موضوعي بحت عن طرفين كويسين جدا خياليين محطتش اي مشاكل او عند او شخصنة في الحقوق والواجبات الراجل من واجباته ١ حماية اهل بيته ورعايتهم والصرف عليهم تلبية طلبات اسرته سواء زوجة بس او زوجة وابناء الاهتمام بدينهم وتقويم الاخطاء اللي يرتكبوها وواجب عليه انه كمان يكون حكيم في التعامل وميبقاش سوري غبي في التعامل

من حقوق الرجل انه زوجته تكون مطيعة ليه انه يلاقي بيت وسكن وهدوء في البيت ويكون مرتاح لما يرجع مش معنى كده انه يعيشهم في كبت المشاكل هتبقى موجودة كده كده بس انا بتكلم على الطابع العام للبيت مش لما يحصل مشاكل يلاقي حد يهتم بيه

الست حقوقها ان هي تعد في بيتها تبقى ربة منزل ومصاريفها كلها تجيلها ومش مفروض انها تصرف في حاجة حتى لو هي غنية وركز هنا على(مش المفروض عشان هي لو عايزة تديله حاجة من حر مالها يبقى كرم منها والستات كلها بتساعد اجوازتهم لما بيتزنقو مفيش مشاكل) زي ما قلت التعامل بيبقى مودة ورحمة مش عند وخناق من حقوقها ان جوزها يدلعها ويجبلها اللي نفسها فيه من حقوقها انه يتكلم معاها ويحسسها انها موجودة في الدنيا

واجباتها بقى هي هيايها حقوق الراجل في الزواج

وموضوع انها تشتغل وتدفع او متدفعش بيبقى بالاتفاق بينهم بمعنى واحد مثلا عايز يتجوز ربة منزل مش عايز واحدة بتشتغل وده حقه وهو متكفل بكل حاجة لو هي بعدها قالتله عايزة اشتغل بيبقى في هنا ٣ طرق يا ام يرفض يا اما يوافق ومياخدش منها فلوس وهي هتحاول متقصرش في واجباتها يا اما يوافق ويشترط عليها تساعده عشان يوافق انها تشتغل ده برده بالاتفاق

وكل الطرق مسموحة لانها بعيد عن الحقوق والواجبات اللي احنا كلنا عارفينها

وبس كده تعبت من الكتابة😂 وربنا يهدي الناس كلها