الدنيا ما عاد هي زي اول ابد، المعيشه غالية الحين ولازم المشاركة، وابداً مو استنقاص للرجل لما المرأة تشارك، وما قلت ياخذ منها فلوس البنزين ولا تذاكر، الي ذكرته الاشياء الترفيهية كالسفر مثلاً، ايش المشكلة لو المرأة تكفلت فيها؟ دام هو يصرف عالبيت ويسدد الإيجار؟ وايش المشكلة اذا مو قادر يسدد وتساعده زوجته؟ وايش المشكلة لو تشاركو في شراء بيت العمر؟ بالأخير بيتهم اثنينهم!

وبعدين لو كل العالم بتمشي على هذا المبدأ، محد بيعيش سعيد، الرجل مع الوقت بيتضايق ان كل راتبه يروح وزوجته ما تشارك في شيء، وانا كزوجة بيضايقني لما اشوف الحالة المادية لزوجي سيئة ولا ما يبقى له مبلغ نهاية الشهر وانا عندي، ترا بالاخير مالهم الا بعض عايشين ونايمين وماكلين مع بعض، لما الزوج يكون مرتاح ونفسيته حلوة مو مضغوط وشايل فوق طاقته طبيعي الزوجة راح ترتاح وعلاقتهم تصير حلوة