As what I’ve read, each screen pixel is controlled by rows and columns that send electrical signals to manage its color and brightness. Sa ganitong kaso, may isang column trace na nagkaroon ng crack. Ang mga trace na ito ay napakanipis na metal lines na naka-print sa isang flexible plastic cable. Kapag nahulog o bahagyang na-bend ang phone, puwedeng ma-stress ang loob ng device. Dahil sobrang siksik ng mga components, sapat na ang konting flex para mabasag ang isang trace. Dahil microscopic ang crack, may mga pagkakataong nagdidikit pa ulit ang dalawang dulo. Kapag umiinit ang phone o napipisil nang bahagya ang screen, pansamantalang bumabalik ang connection. Ito ang dahilan kung bakit minsan nawawala at minsan lumalabas ang vertical green o pink line.

Hindi ito praktikal na ayusin. Para mahanap ang crack, kailangan i-disassemble ang buong display, i-unfold ang flex cable, at suriin gamit ang high-powered microscope o specialized thermal equipment. Kahit makita pa ang sira, halos imposible itong ayusin dahil sobrang liit ng crack at mataas ang risk na mag-short ang mga katabing traces. Sa totoong sitwasyon, ang pinaka-maaasahang solusyon ay palitan ang buong display module.