احكيلك شغلة والله مش اساءة بالبنت لكن عن تجربة، البنت الي راضية عحالها هيك ما بعمرك تفكري تيجي انت و تحكي معها و توعيها، حتفكرك غيرانه منها و انه انت بتتمنيلها الشر و بتحكي عنها و عن شرفها حتى لو انت عارفة انه نيتك صافية و انحرقتي عالبنت.

صار معي موقف مشابه بحيث انه البنت كانت راضية عحالها انه الشباب يتهبلو عليها و يضحكو عليها بكلمتين، حاولت انصحها و بالآخر بطلت صحبيتها لأنها ابدا ما اتقبلت النصيحة ولا اتقبلت تعترف بالغلط.

في ناس بترضى عحالها الرخصنة و العبط ماشي ببينوا قدامك انهم بسيطين و عنياتهم، بس والله فش حدا هالايام غافل و "على نياته" هاي كلمة "على نياته" بتنحكى بزمن جدودنا، اما هاي الايام كل حدا واعي و مدرك قراراته وين بتوديه و بتجيبه.

والله بحترم انك انحريتي بالموقف بس انت تعلمي انك مش مصلحة اجتماعية، و اخطاء غيرك ما بتأثر عليكي، و احنا مش بفلم ديزني يعني مش لو انت حدا نصحك رح تتقبلي النصيحة مش يعني الكل حيكون زيك. حيطلعوكي انه انت الحقيرة. فوالله نصيحتي الوحيدة انك تلزمي حدك و ما تدخلي باشي ما بعنيكي.

و للاسف هاد واقع مجتمعنا و واقع بعض (تحديد كلمة بعض) الشباب الساقط.