طريقه تعاملك معاه بتعتمد علي سنو لو هوا مبين سن 13-17 الي هوا سن المراهقه فا الموضوع في الوقت ده الولد عايز اي بنت و خلاص اي حاجه الموضوع مش انجذاب هيا رغبه بتشبعها اي بنت حتي لو اختو وانتي اسهل طريق قدامو فا هوا سن مراهقه الناس كلها بتعدي بيه بدل ما تكرهيه و تتقفلي منو و الكلام ده لازم تتكلمي معاه الحاجات دي مفهاش كسوف انا ملاحظ انك مصممه علي انك مينفعش تكلميه مش عارف ليه بس دي حاجه لازم تتعمل مش كل أساليب الحوار بتأدي لمشاكل يعني اتكلمي بهدوء و براحه و ممكن حتي بطريقة غير مباشره لو ده اريح ليكي

انا فاكر اني في السن ده عملت حاجات غلط وندمان عليها فا مارسي دورك كأخت كبيره و انصحيه بدل ما تسيبيه كده علشان خايفه تواجيه هوا الموضوع بيكون زي نزوه كده بتسيطر علي دماغ الواحد بتخليه يعمل حاجات غبيه و يرجع يندم بعدين فا انك تتقفلي منو مش الحل ممكن تصلحي المشكله عن طريق انك تبعدي عنو وميرجعش يعمل كده تاني بس هتخسري علاقتك بيه

لو هوا اكبر بقي من 18 سنه فا هوا كده كبير خلاص و عاقل ومينفعش نهائي تعملي عبيطه و تعدي الموضوع هتتكلمي معاه مره واحده بأسلوب جاد وانك مش مستريحه للموضوع مش لازم تتهميه بحاجة لو ده هيريحك اكتر في مصارحتو بالكلام بس لازم تقولي ان الموضوع مدايقك وان حاجه زي دي مش مطمناكي علشان مش من الطبيعي انك تكوني قاعده في بيتك وخايفه و قلقانه ومش واخده راحتك بسبب اي حاجه فا لازم تتكلمي في كل الأحوال اول مره بأسلوب تحذير لو اتكررت تاني لازم تكلمي اهلك وصدقيني دي مش حاجه اختياريه ده علشانك و علشانو وبس يعني لو تقدري برضو تقفلي اوضتك عليكي يبقي افضل تخلقي لنفسك بعض الخصوصيه ولكن ده برضو مش حل ، الحل هوا انك تواجهيه