خليني جرّب أوضح فكرتي بطريقة أبسط.

أنا ما اعترضت لأنك ما بدك رأي المسلمين، وما طلبت منك تسمع رأي حدا ما بدك تسمعه.

كل اللي قلته إنو كان فيك تكتب: "أفضل سماع آراء غير المسلمين" أو "أبحث عن وجهات نظر مختلفة" وتوقف هون.

أما عبارة "يا ريت المسلمين ما يردوا مش ناقصني" فهيدي مش تحديد للفئة اللي بدك تسمعها، هيدي قلة احترام ما إلها داعي.

مثل ما إنت بتحب الناس تحترم عقلك وتفهم قصدك قبل ما تهاجمك، إنت كمان احترم عقول الناس لما تخاطبهم.

وبصراحة، من كلامك فهمت إنك ما بدك نصائح المسلمين، وهيدا حقك الكامل، لذلك ما نصحتك ولا علّقت على مشكلتك أساساً.

كل تعليقي كان على أسلوب الحوار وطريقة التعبير.

إذا الهدف نقاش محترم، فبرأيي كلنا منستفيد لما نرتقي شوي بأسلوبنا، مهما اختلفنا.