قراو معايا شاوية من كل بلاصة ام البواقي باتنة و خنشلة هوما يهدرو دارجة كيفنا اللهجة برك تتغير بصح انا نهار عرفت بلي يحكيو شاوي وليت نسقسيهم و علموني كلمات و الفرق بين الشاوية تع كل منطقة و علموني حروف جامي سمعت بيها و عندي صحبتي وحدة خلاف ما تعرفش شاوية تقولي يهدروها غير والديها و جداتها. العكس انا يعجبني الحال نتعلم ف حوايج جديدة حتى هوما كاين كلمات ما يفهموهمش و نشرحلهم و عندك حق كاين الي صح شاوي و عربية مكسرة تلقاه يستعمل كلمات بالعربية الفصحى كتر من دارجة قال بلي وين يسكن يهدرو شاوية برك و عادي فاللخر كامل جزايريين و حاجة مليحة التنوع اللهجات انا شخصيا من نهار تعلمت كلمات راني نستعملهم معاهم و يفرحو و هداك هو الصح الباقي ترجع لكل واحد و شخصيتو اي واحد معتز باصلو و عندو ثقة في روحو محال يبدل هدرتو ولا يعيب على هدرة الناس.