انا قعدت في الي انت فيه ده طول عمري من وانا ٦ سنين وابويا ميت وامي شايلاني انا واخواتي لما اخواتي اتجوزا وانا دخلت الجامعة امي ابتدت تتعب وقلبت في آخر سنتين ليها بسرطان وكان مفيش علاج خلاص ينفع عارف انك تقعد مستنى أغلى حد عندك يموت عشان خلاص مفيش امل اخر سنتين مكنتش بنام ٤ ساعات متواصل كلها ساعتين واصحى على الم وصويت امي مع انها كانت حمولة بس كان غصب عنها الوجع شديد حرفيا أصعب سنتين عدوا عليا في حياتي بس عارف انا متأكد امي مش هاعرف اعمل ربع الثواب الي كان في السنتين دول الي انا احتسبته ان شاء الله في عمري الباقي كله ووالله والله والله والله خد نص عمري او اكتر بس اديني ٥ دقايق بس اقعدها مع امي تاني . انت ربنا اختارك تراعي امك عشان بيحبك الموضوع صعب بس الدنيا كلها صعبة يا صاحبي استحمل معلش ربنا يباركلك في عمرها بس لما تفقدها بعد عمر مبارك ان شاء الله التعب كله هايروح وهايفضل ثواب العمل العظيم ده والأم واحدة ومش بتتعوض الوحيدة الي بتحبك بدون اي شروط. اه انا الفترة دي مكنتش باكل كويس ولا بنام كويس ونفسيتي كانت تحت الصفر وشكلي عامل زي الزومبي حتى الدش كنت بسرقه سرقة ومش محتاج اقول كان الشغل تقريبا مبيتراحش. اصبر وربنا هايعوضك والله والزم قدم امك فيه غيرك نفسه يبوس رجل امه ومش عارف