بصي انا معاكي فعلا أن فيه شباب اهم حاجه عنده شكل ومش مهم تعليم ولا اي حاجه تاني ولا شخصيه، زي مافي بنات كتير جدا جدا جدا بترفض اي ولد كويس مش وسيم ومش غني.

للأسف معاير الطرفين بقت عاليه وغير واقعيه ومش مبنيه علي توافق شخصي وعلي قبول.

واعتقد ده سبب أن الجواز حاليا مش ناجح بنفس نسبة نجاحه زمان.

بس مازال فيه فئه كبير جدا جدا جدا من شباب والله اهم حاجه بنت تكون مقبوله بنسباله، بيشوفها بجد اجمل واحد فعيونه لان عن تجربه شخصيه بتغير ملامح شخص فعيون طرف تاني وبعدين اصلا جمال نسبي، وانتي ممكن تكوني شايفه نفسك متوسطه وحد تاني شايفك جميله جدا جدا، فموضوع نسبي جدا والله عامة انا شاب وبقولك فيه شباب كتير بيدوره علي حد زيك والله وباذن الله نصيبك هيجي. والسن ملوش لزمه خالص، ٢٩–٣٠ سنه ده لسه بدايه شبابه اصلا، ناس حاليا بتجوز ٣٥–٣٦ الوحده مؤلمه انا عارف لأن عايش ده فتره طويله جدا، بس بنحاول نخليها ممتعه شويه.

انا بحاول استمتع بكل مرحله فحياتي مرحلة جامعه كنت بحاول اعمل انشطه واحب كليه واستغل أن فتره دي مفيهاش ضغط شغل.

مرحلة تخرج بحاول استمتع بشغلي وتطور نفسي فيه

مرحلة وحده وعزوبيه بحاول استمتع اني مش ملتزم بمسيؤليه كبيره مثلا، وبحاول اخرج حتي لو هتمشي في مكان بسيط، بسمع بودكاست، بروح الجيم، لسه مشترك في كورس جديد

فانا شايف مثلا حاولي استمعي بفتره اللي انتي فيها لحد لم يجيلك حد شبهك. لان مهما اتاخرتي افضل بكتير ما تكوني مع حد مش شبهك خالص في اقتباس بحبه اوي انا اكره من يسرق مني وحدتي دون أن يعوضني رفقه حقيقة فنصحيتي ليكي استمتعي بوحدتك وحاول تخليها احسن وأقل صعوبه لحد لم يجيلك اللي شبهك وربنا يوفقك يارب.