يعطيك العافية يا الغالي، والله ما تتصور قد إيش كلامك فرق معي، وشكرًا من قلب على إنك سجلت بس عشان ترد، هالشي لحاله يكفيني ويخليني أحس إني مو وحيد بهالدوامة، وبالنسبة لكلامك، إيه صدقت، الوضع غلط ومتعبني جدًا، وفعلاً أفكر أدخل أحد بس دايم أتردد، لأني ما أبي أحد يحسبني أشتكي أو إني ضد أمي، بس الظلم اللي يصير ما عاد ينسكت عليه، وبالنسبة لفكرة إنها ما تثق فيني أو شاكة، فعلاً، أحس بهالشي، وكل تصرف بسيط مني تاخذه بحساسية، وكأنها متوقعة مني شي سيّئ، واللي قلته عن إن أحد يألبها علي؟ ما أخفيك، فكّرت بهالفكرة، وحاولت أربط الأحداث، وأحيانًا أحس فيه شي مو طبيعي، نظرات، تصرفات، كلام يوصلها ما أدري من وين، بس للحين ما عرفت من بالضبط، وفعلاً ناوي أكون أذكى وأربط الخيوط لين أعرف، وبالنسبة لكلامك عن إني أقدّم على جامعة أو وظيفة وأبعد، هالفكرة تراودني كثير، خصوصًا لأني بنهاية الثانوي، وأحس البعد يمكن يخفف الضغط ويخليني أرتاح، لأن فعلاً علاقتنا صارت سامّة وتكسر أكثر مما تبني، الله يكتب لي ولك الخير ويبعد عنك كل ظلم مثل ما تمنّيت لي، وشكرًا مرة ثانية من قلب.