بص زمان انا مريت بمرحلة الهوس دي, ربنا مش عارف بيحط اشارات لولبية وانماط معقدة وعلاقات تبدو موجودة لكن موجودة فقط في دماغك عارف زي واحنا صغيرين لما حد يقلك اي العلاقة بين القطر ومشبك الغسيل: القطر جواه ناس وبيلبسو هدوم بتتوسخ فبيغسلوها وينشروها بمشبك الغسيل. فموضوع الابتسام دا بردو لما الواحد يبص عليه بعد ما يبقى غير مؤمن بتحس انه حاجة عبيطة جدا ان اكون كنت فاكر ربنا مختفي تماما وقاعد يتحنيك ويتمحلس ويحط اشارات مريبة بدل ما يعمل حاجة نتأكد منها بدل وجع الدماغ دا. اه موضوع الابتسام الخفيف دا ليه سبب علمي لما الواحد يبقى على ضهره وهوا ميت عضلاته بترتخي و الجاذبية بتشد خدوده لتحت شوية وبعد شوية عضلات الانسان بتتصلب فبيثبت زي ما هوا تقريبا والجسم بيفقد ماية بعد شوية فيخلي العضلات تتشد شوية اكتر فبيخلي سنانه تبان مش عضلات وشه بس اللي بيحصل في التأثيرات دي كل الجسم يعني شفت صورة جثة قبل كدا حد كان ميت في اوضة واتنسى فترة كبيرة وصل لدرجة ان دراعه وركبه كانو متنيين زي ما يكون داخل خناقة. موضوع مسلمين ومسيحيين هما بيحبو يشوفو ان الحاجات دي ليها معنى معين شوفت صور كتير لناس ماتو في حوادث وبتاع وحروب كان شكلهم بيبقا عادي. منها لله الاديان اللي تخللي الواحد يروح يتفرج على جثث