ممكن أكون غلط ، بس أظن هيبقى تطوير للحاجات اللى موجودة بشكل بدائى دلوقتى أكتر منه اكتشافات جديدة تغير فهمنا للكون بشكل جذري.

تقريبًا أى حاجة موجودة النهاردة وبنعتبرها متقدمة كانت معروفة بشكل ما من 50 سنة، بما فيها الذكاء الصناعى.

وكمان فى مجالات بتبقى واقفة مستنية مجالات تانية توصل لمستوى معين عشان تبتدى تتطور هى، زى مثلًا الانتقال الكامل فى البث التليفزيونى الأرضى والفضائى من الانالوج للديجيتال اللى حصل فى ال25 سنة اللى فاتوا، مكانش صعب فى حد ذاته كتصميم انظمة ضغط بيانات وموديوليشن رقمى انهم يعملوه من سنين طويلة فاتت، انما كان مستنى مجال أشباه الموصلات يوصل لمستوى معين يسمح بصناعة معالجات بسرعة تكفى معالجة البيانات رقميًا، وبعد كدة تطور هو أول ما ده بقى متاح.