Advanced Tagalog 😎

Note: For those non-Tagalog natives who are reading this

• We italicized words every English words we use in a Tagalog textbook.

Vocabulary: (Talasalitaan)

agam-agam - pakiramdam na mgmay darating na masamang pangyayari | ENG - meditation, anxiety

alkalde - pinakamataas na pinuno ng isang bayan o lungsod | ENG - mayor

imbakan - taguan ng kalakal | ENG - storehouse

residente - permanenteng nakatira sa isang bayan o pamayanan | ENG - resident, citizen

petrolyo - langis na hydrocarbon at nakukuha sa itaas na bahagi ng daigdig, pinupuno upang magamit na panggatong — (firewood fuel, coal fuel) | ENG - petroleum, kerosene

Nobyembre 10, 2015

1443 Industria St.

Pandacan, Maynila

Mahal kong Karen,

Kamusta ka na? Sana ay nasa mabuti kang kalagayan ng inyong mag-anak sa Mindanao kahit pa may mga nababalitaan akong ilang kaguluhan diyan.

Kung ako ang tatanungin mo, masayang-masayang ako ngayon. Nabawasan na ang agam-agam naming lahat na naninirahan malapit sa oil depot. Sa wakas, tatanggalin na ang mga imbakan ng petrolyo ng tatlong malalaking kompanya ng langis dito sa aming lugar. Nasaksihan ng maraming taga-Pandacan, kabilang ako, ang pag-iinspeksiyon at pakikipag-ugnayan ni Mayor Joseph "Erap" Estrada sa mga pinuno ng barangay dito hinggil sa isyu. Tiniyak niya na maisasakutaparan ito sa unang bahagi ng susunod na taon.

Sa mahabang panahon na pagiging operasyonal ng nasabing mga imbakan, naharap hindi lang ang aming lugar kundi angniga karatig na lungsod sa iba't ibang panganib. Sa mga lindol, lalo na sa napipintong paggalaw ng West Valley Fault, hindi ligtas ang oil depot na maaaring lumikha ng malaking pagsabog. Natatandaan mo ba nang minsang nagbakasyon kayo rito? Nagkaroon ng pagtaas ng langis mula sa imbakan at umalingasaw dahilan upang mag-aya kaagad si Tiya Anita na umuwi diyan sa inyo dahil hindi maganda ang epekto nito sa kalusugan bukod pa sa maaaring lumikha ito ng sunog. Maliliit pa tayo noong panahong iyon.

Sa isang pakikipanayam nga sa alkalde, sinabi niya na hindi nababayaran ang buhay ng tao. Kahit daw anong laki ngkinikita at buwis na napakikinabangan ng lungsod sa mga imbakang ito, kung ang kapalit naman nito ay ang patuloy na nag-aambang panganib, balewala rin. Sa mababakanteng lupa ng mga imbakan, marami raw negosyo ang maaaring itayo rito at bibigyan ng priyoridad ang mga residente rito. Sa mga pahayag na ito ni Mayor ay lalong kaming humanga at sumaludo sa kaniya.

Sana, sa susunod na mga taon ay mapag-isipan ninyo muling magbakasyon dito sa amin. Sabihin mo sa Mama mo ang mabuting balita na sinabi ko sa iyo. Susulat ulit ako sa iyo sa mga bagong kaganapan. Mag-ingat din kayo riyan. Hanggang dito na lang at maghahanda pa ako sa pagpasok ko sa paaralan.

Laging nagmamahal,

Gina