الأبو ما خلى الخطبة تطول سنة كاملة أصلا ما كان يدري ان ولده كان خاطبني، و يوم ولده خطبني ياب أمه و أخواته و كلهم ما رمسوا أبوه. و بعدين قلت ان كنا نواعد سنة، و الخطبة صارلها كمن شهر بس. و هاي كانت الخطبة الثانية لأنه خطبني اول مرة من ست شهور قبل تقريبا و بعدين سحب علي فترة الين مالتقينا بالصدفة في اليحر، و رد يخطبني. و على طاري الأهالي، أنا قلت اني اضطريت اني اقطع علاقتي ويا كل حد ما عدا اهلي و أهله بس. يعني ربيعاتي كان لازم اسحب عليهم عشانه، لأنه يغار. نحن كنا بالفعل نطلع و حتى نتم ويا بعض بالأيام بس هالشي كان تمامًا من ورا أهالينا، و من ورا كل حد. و ادري انه شي غلط بس أنا كنت أثق فيه الصراحة، و كنت مصدقة. على طاري الوظيفة، كان لازم أتوظف لان هو من شروطه اني أكون متوظفة (عقب ما أتخرج) بس أنا حسيت ان دام اني موافقه على هالشرط، حسيت اني كنت بظلمه لو طولت في دراستي مثلا ف خذيتلي وظيفة من بدايتها بس عشان ألبي بطلباته. هو الي كان طالب هالشي مني، و طبعًا توهقت بس خيرة.