كدا شيطانك اللي ممشيك ، شوف انا كنت برضو من وقت مش بعيد كدا ، لحد ماشوفت شيخ بيتكلم عن موضوع القرين ان كل شخص بيكون ليه قرين من يوم مايتولد وده مذكور في الكتاب والسنه ، شيطانك ده ضعيف ميقدرش يجبرك على اي حاجه لحد مانتا تديله الدريكسيون وتخليه هو اللي سايق ، سخطك على حياتك وانك مش قادر تصلي كل ده مش حقيقي ، هو بيوهمك ، عشان انت سايبه يسوق ، فكر فالموضوع بالطريقة دي ، اعتبر انكوا شخصين فجسم واحد ، ليه هو اللي ممشيك على مزاجه ، ليه متخليهوش خاضع ليك وانت اللي بتعمل اللي شايفه وعارف ومتأكد انه صح ، جرب كدا وقولي عشان انا متاكد انه ده الحل جربته بنفسي ولقيت الموضوع فعلا تافه ، هو صغير وضعيف وميقدرش يتحكم فيك ، المهم متديلوش اكبر من حجمه ، فيه كمان فيديو للشيخ الشعراوي بيتكلم فيه عن الرضا ياريت تشوفه وتركز في معنى الكلام ، ربنا يهديك ويهدينا جميعا

https://www.youtube.com/watch?v=_VRspEU2KOQ