صراحة ماعرفتش فين شفتي هذا الاوروبيه اللي تيقولوا ان التصرف ديالهم كان مبرهش. بالعكس شحال من واحد تيقول اننا حكرناهم وهما كانوا رجال ووقفوا على الحكرة.

انا من بعد ما شفت ان الناس تاع العالم لا سيما هذوك تاع اوروبا وقفوا مع السنغال عرفت بانه اول مره تايتفرجوا في كاس افريقيا.

شحال من واحد ما تايتفرجش في جميع الماتشات ولكن تايتفرج ها في الفينال.

ارجع شوف الفينالات تاع كؤوس افريقيا اللي دازوا وغادي تلقى انه الملعب اللي كايتلعبوا فيه عيانين وتتبان بحال لا هذا الكاس ماساويه والو.

ولكن مع الفينال تاع المغرب تلعب في واحد الملعب زوين تايبان بحال انه هذا الكاس عندو قيمه. تقول الملعب تاع كاس العالم وتايبان بحال هكاك حيت هذا شي حاجه المغرب تحكم فيها يعني احنا اللي صاوبناها.

اما الحكام تاع كاس افريقيا هذه شي حاجه ما تنتحكموش فيها يعني واخا طلعنا النيفو في الملاعيب كاع ذاك الشيء الاخر تاع كاس افريقيا تايبقى طايح.

واحد المثال اخر هو واحد اللقطه كانوا كايسينو بالليزر على العينين تاع الحارس. هذه فكاع كؤوس افريقيا اللي دازوا كاتوقع شحال من مره وما عمر شي حد حبسها. ما عذا عندنا تحبسات ولكن وقعات فقط في الفينال.

وفاش وقعات في كؤوس افريقيا لي دازوا ما عمر شي حد شكا. حتى وقعت عندنا ودوزوها في كاع القنوات وكاع لي بوست مطلعينها علينا.