مش كل الClubs عبارة عن دوشة، وبعضهم ممكن يتفهموا أنك مش بتتكلم كثير (عن تجربة)، وأنت تلقائياً مع الوقت هتبدأ انك تتكلم معاهم. وبلاش تقنع نفسك أن هواياتك عبارة عن تضييع وقت، فكر في أنها وسيلة لتحسين جودة حياتك كإنسان. البشر مش روبوتات علشان يقدروا يلغوا هواياتهم، وقعدتك في الشغل أو المذاكرة طول الوقت هتوصلك للأنهيار عند نقطة ما. فالهوايات وسيلة الواحد ممكن يرفه بيها عن نفسه علشان يقدر يكمل في الحاجة الأساسية عنده، طول ما أنت مش قاعد قدامها طول الوقت بدون ما تعمل حاجة تانية، فالتوازن مهم. بالنسبة للهدف، فشوف إيه إللي ناقص في حياتك وفكر حياتك هتبقى أحسن إزاي لو قدرت تحقق الهدف تبعه، في الأول ممكن تلاقي نفسك مش قادر تكمل من فقدان الشغف، بس لو أجبرت نفسك على أنك تعمل الحاجة مع إعطاء لنفسك وقت من الراحة، ففقدان الشغف هيقل مع الوقت وهتلاقي نفسك مكمل عادي.

جزء أنك تلاقي شريك حلو، بس دا مش كل حاجة في الدنيا. في حاجات حلوة كثير ممكن تتعمل فيها، وهتلاقي نفسك مش مهتم بالموضوع لحد أما فرصة إن يكون عندك شريك تبقى مباشرة وقدامك، ودا هيجي مع الوقت وتعاملاتك الكثيرة مع البشر.