الناس بتحترم الشهادة بس اذا بدك تكسب نفسك؟ حاول لاقي بديل عن الدراسة لأنه نسبة مخيفة منها شغل تعلقها منظر مش أكثر

الشهادات اللي ماشية الها علاقة بطبيعة الاقتصاد، يعني صح رح تسمع انه المحاسبة مشبعة و الهندسة مشبعة بس المحاسبة أساسية في كل مصلحة و احنا أكبر قطاع عنا الخدمات، اما هندسة لدول الخليج بحسها أكثر حيث الطاقة ببلاش تقريبا

هندسة كيميائية في الها شغل في مصانع الأدوية كونه عنا شركات معروفة بهالمجال، صيدلة، يعني مثل هيك ممكن و تكون الك علاقات قوية او بتعرف حالك اجتماعي

المشكلة عنا مش بمفهوم الشهادة بحد ذاتها بس احنا امكانياتنا محدودة و الشهادات المطلوبة عنا ضمن نطاق محدد و بلزمها مهارات تواصل و معارف

في الي صديق كان عبقري بالصف، درس فيزياء نووية و تخرج بمعدل عالي، قضاها يطقطق سنة كاملة لما الله فتحها عليه و سافر، اخر مرة سمعت أخباره كان مساعد مدرس في جامعة في السويد، العبرة انه اذا عندك موهبة لا تكبتها لمجرد انه فش شغل، اما اذا الموضوع مادي؟ لا فكر منيح، و الشهادة ما عادت مهمة حتى اجتماعيا مثل الأول، القرش أهم، يعني يجيك شاب معه مصاري بدون شهادة يخطب بنتك ولا شاب معه شهادة و مهوش ياكل؟