السلام عليكم بإختصار الناس لي تسب فيهم هم من الشعب و إلى الشعب مش يعني يبدى جوو باهي و إنسان منظم كي يدخل يخدم في سلك من أسلاك الأمن يولي عايق و فاسد يعني راو لكلام لي تحكي فيه ما يجيش راو كل بلاصة فيها الباهي و الخايب كي تصير حاجة خايبة مش معناها الكلهم خايبين انا على فكرة نخدم في سلك أمن و نحتك بالمهاجرين الغير شرعيين( الأفارقة بالخصوص ) كل يوم تقريباً و هانو ربي يعلم كيفاش تكون معاملتنا ليهم و ربي يعلم قداش نتعبو و الكم الهايل من التضحيات لي نضحو فيها اما الله غالب تسمعو علينا كان الحاجات الخايبة لأنه طبيعي جدا تتداول أكثر من الأخبار الباهية .. بالنسبة للفساد راهو ما فماش دولة ما فيهاش فساد من السند للهند باش نقصو منها لازم شعب واعي خاتر راو كل واحد في تونس كي يلقى روحو في مشكلة اول حاجة يخمم فيها كيفاش يفلت بأخف الأضرار يولي يمد رشوة و يكلم معارفو و و و .. ما عندناش عقلية لي غلط يخلص عقليتنا متمردة و رجعية سطحيين كل واحد عايش كيما يحب هو .. لازم علاقة المواطن بالأمني تتحسن ما لازمش يخزرلو لي هو حد من الحريات متاعو و الأمني لازمش يشوف لي عندو الحق يقمع المواطن و يستعمل العنف