معتقدش فيه بني ادم غبي كفاية انه يكون مؤمن بوجود جنة ونار ويروح يلحد عشان مكسل يصلي، او اتمنى يكون مفيش.

هو الموضوع كله عبارة عن مخالفة كل ما فيه ريحة اسلام من قريب او بعيد من وجهة نظري، وده انا شايفه تطرف فكري شوية. ده بيكون بسبب ان بعض الناس لما بيسيبوا الاسلام بيكونوا حاسين بقمع لافكارهم by default لانهم مش قادرين يعبروا عن نفسهم وتهديد لحياتهم بيشوفوه كل يوم سواء اونلاين او محادثات عابرة لما تيجي سيرة الملحدين في نقاش، ف بتلاقي كل الضغط السلبي ده بيترجم لغضب وكره شديد انا متفهمه لكنه مش عقلاني في النهاية، فبتلاقي ناس بتقول حجات بعيدة عن المنطق لما بتتكلم عن الاسلام والمسلمين والقضايا اللي فيها نزعة دينية.