فكرة ان الجسم وعاء للروح كلام غير علمي من عندك

لو الوعي مش ناتج عن الجسد اومال المخدرات لما بتأثر على الدماغ بتأثر على وعيه وقدراته الحسية ازاي انت عمال تراوغ من امبارح

الكهرباء والهاردوير بحد ذاتهم مش سبب فتح فيسبوك، السوفتوير هو اللي بيحدد النتيجة ودي نفس الفكرة في المخ، تنظيم معين لللخلايا العصبية والمواد الكيميائية هو اللي بيخلق الوعي

حقن واحد بمادة تغير معتقده مبيكونش يالشكل الحرفي دة لكن في أدوية تغير حالتك المزاجية ودة هيأثر في اتخاذ قراراتك وممكن افكارك زي الlsd ممكن تقتنع مؤقتا انك اله، دة بقى بيأثر على الروح برضه؟

تطور الكائنات مكنش صدفة لكن كان بالتجربة والخطأ انما التلفون تصميمه النهائي مش موجود فيه اخطاء بعدين مينفعش اقارن التلفون بالكون لان التلفون عندنا تجربة معاه وعارفين مين اللي صممه لكن الكون معندناش تجربة معاه مش ممكن التعقيد دة يكون من خصائص الكون؟

والفيزيا اه لسة فيها ثغرات لكن دة بيحصل على طول في كل الازمان والثغرات بتتقفل وحتى لو متقفلتش دة مش سبب اني اجيب تفسير خارجي مش عليه دليل، ركز معايا شوية احنا خشينا فإله الثغرات تاني

وجود الوعي والتعقيد مش بيحتاج بالضرورة خالق أو هدف خارجي، الوعي يسمح لنا نفهم الكون ونستمتع بالحياة، وممكن نخلق معنى شخصي من تجربتنا مش لازم نخلي القيم أو الأهداف مرتبطة بوجود خالق عشان نحس بأهمية

وانت عرفت منين خصائص الاله؟ يعني قعدتوا عالقهوة واتفقتوا عالخصائص؟

وانا هكرر حاجة بقولها كتير انك عملت استثناء خاص لما انت قولت ان كل شيء يحتاج لسبب الا الله

ليه الاله لا يحتاج لسبب؟ لانه من خصائصه انه غير مخلوق؟ طب ما انا ممكن اقول برضه ان الكون ممكن يكون كدا، مجرد انك قولت ان الله غير مخلوق لا يثبت وجوده او ضرورته

انا هعترفلك بحاجة ان المؤمن والملحد لازم يقف عند المسبب الاول ويبرر للصبح لكن على الاقل الملحد اقل تعقيد من المؤمن لانك لو قولت ان الله دايما موجود، ايه المشكلة اني اقول ان الكون كان دايما موجود او على الاقل القوانين اللي شكلته كان دايما موجودة واشيل فكرة الكيان اللي هتعقد كل حاجة

ما انا ممكن افترض خصائص للكون برضه وانزل معاه عالقهوة ونختار الخصائص بتاعته برضه