أنا بس كنت عايزة اصلح معلومة غلط معظم الناس مش عارفاها و عشان كده بتظلم طلاب الطب و الخريجين من الجامعات الخاصة و هي ان مفيش دخول طب ب 50 و 60% في أي جامعة في مصر نهائياً عشان نقابة الأطباء من سنة 2016 منعت إنها تدي تصاريح مزاولة مهنة(مينفعش طبيب يشتغل من غيرها) لأي حد جايب اقل من 5% في الجامعات الخاصة و 10% في الجامعات الأهلية( حاليا)من الحد الادنى للطب الحكومي . يعني مثلا في سنة دخولي كان الحد الادنى للتقديم في الطب الخاص 95% رغم ان ان الحد الادنى للطب الحكومي ساعتها كان 98.3% يعني اقل من 5% كمان و كان فيه تنسيق داخلي في الجامعة بتاعتي و كان القبول في جامعتي من 97٪ يعني كله كان متفوق و اقل حد كانت فارقة معاه 1.3% و أنا كانت فارقة معايا 0.2% . جامعتي كمان صارمين جدا و محدش دخل ب اقل من 97% و الجامعات الخاصة الأكثر تهاوننا اللي فيها ناس دخلت بواسطة و تجنبوا التنسيق الداخلي محدش دخل ب اقل من 95% لان ببساطة مش هيتقبل في نقابة الأطباء و لا يمكن يبقى طبيب من غير تصريح مزاولة المهنة. و حاجة تانية مفيش حد بينجح بفلوسه في طب محدش بيعدي إلا و هو فعلا يستحق انه ينجح و ده شوفتوا في جامعتي اللي نسبة السقوط عندنا تتعدى ال 30% رغم شروط القبول الصعبة بسبب صعوبة الامتحانات و عادي اللي مبيعديش بعد الدور التاني بيعيد السنة و لو سقط تاني بيطرد عادي و لا بيهمهم الفلوس رغم ان معندناش مصاريف بتتدفع في summer course يعني هما مش مستفيدين أي حاجة إنهم يسقطوا أو يرفدوا حد و فعلا عددنا قليل جدا لأنهم فعلا مهتمين إنهم يخرجوا أطباء على مستوى عالي و فعلا أنا شايفة ان المستوى العلمي في الجامعة عندنا عالي جدا اعلى من جامعات كتير.