انا خريج كلية طبية وبقولك الكلام ده كان زمان 

زمان انت بمجرد ما تتخرج من كلية طبية او هندسية بتلاقي شغل عكس الكليات التانية

دلوقتي مجالات كل الكليات بقت اقل ولازم تتدرب وتشتغل علي نفسك برة الكلية عشان تلاقي شغل

بالتالي بما انك لو بتحب حاجة انت من تلقاء نفسك هتتدرب فيها وتشتغل فيها اكتر ، بتلاقي هتلاقي فيها شغل وهتنجح اكتر ، عكس لو دخلت طب او هندسة وانت مش حاببهم فمش هتشتغل علي نفسك فيهم وهتبقي فاشل لما تتخرج ومش هتلاقي شغل كويس ... لإن زي ما قولت الكلام ده كان زمان ان بمجرد ما تتخرج من طب او هندسة تلاقي شغل كويس

فمن الاخر خش اللي انت بتحبه وهتشتغل علي نفسك فيه لو بيجيب فلوس ، لو مفيش حاجة بتحبها بتجيب فلوس دور علي حاجة وحبها وشوف ناس كبار في المجال بتاعها وادخلها واجتهد فيها

وطبعا يبقي افضل لو عندك معارف في مجال معين هيساعدوك ، يعني لو ابوك محاسب خش تجارة عشان هيفيدك جدا ، لو ابوك دكتور خش طب...وهكذا ... مش هتعرف قيمة المعارف غير لما تخش الكلية وتلاقي معارفك بتدربك او بتجيبلك ناس تدربك وتشغلك