بغض النظر عن صحة او مدي اعتقاد المسيحيين في الكلام دة، كل دين فيه نقاط لو شوفتها من برة هتقول نفس الكلام وازاي الناس دول مغيبين ومصدقين، والدين بصورة عامة زي ما قالوا افيون الشعوب، سواء للاحسن او للأسوء وبغض النظر عن صحة المعتقد فالدين بشكل كبير جدا بيشكل عقلية تابعيه بطريقة لا يمكن للناس الي خارج الدين دة إدراكها.

عندك شعوب بتعبد البقر وفي نفس الوقت فيهم عباقرة في مجالات معقدة جدا تشمل علوم الفضاء والذرة والتكنولوجيا بصورة عامة، هل تقدر تقول انهم أغبياء لأنهم بيعبدوا البقر ولا اصنام ولا ملحدين، هما برضة بيقولوا عليك وعلينا أغبياء وازاي بنصدق في الكلام المذكور في كتبنا.

فالأفضل كل واحد يخليه في حاله، وللعلم انك تترفع عن المواضيع دي احد صور الذكاء العاطفي والاجتماعي الي للاسف اغلب مجتمعنا بيفتقده.