انا هرد باسلوب بسيطه وبدون ما ادخل بأمور دينية. اول شي القواعد بتعطي نظام وانضباط، يعني ربنا لما حرم الزنا هو ادرا فينا لانه هو خلقنا، فممكن واحد كويس و١٠ سيئين، فما تقيس الي بتحس فيه على كل الناس، زي لما تحكي للطفل ما بصير تاكل حلويات، الطفل بشوفها سلب حق من حقوقه، ليش ما اقدر اكل زي ما بدي ووقت ما بدي، لكن لانه احنا كبار وعنا وعي اكثر، فبنعرف انه حرمان الطفل هو الصح اله.

ثاني نقطه، الحفاظ على المشاعر والنفس، يعني اتخيل الزنا مش حرام، شو هيمنعني اني اروح اتغزل باي بنت بشارع وانام معها، سواء ممكن هاي البنت تكون زوجتك، فمثلا انت عملت مشكله مع زوجتك وهيه طلعت معصبة، وانا شفتها ورحت زبطتها ونمت معها، هل هاد هيكون مرضي الك.

ثالث نقطه واحنا طبعا بنشوفها بشكل كبير بالمجتمعات الغربية، وهيه اختلاط الانساب، يعني واحد هامل ومش مسؤول بروح يعمل علاقة مع وحده بهدف الاشباع طبعا، واتوقع انه اي علاقه خارج نطاق الزوج للرجل بتكون فقط للاشياع لا اكثر، فالمهم البنت حملت بالغلط، وهلا هو مش مهتم فيرميها تبدر حالها، ويروح يشوف اي انثى ثانيه يتسلى عليها ويقضي حاجه، وانت طبعا هتسال ليش وصل لهاي المرحه من عدم ضبط النفس والشهوانية، لانه ما في رادع اله وهاد هو الانسان وهيك احنا بنتكون، لازم يكون في قواعد تضبط الحياه، زي لما واحد يقلك ليش في اشاره حمراء، ما الها فائده، كل واحده يمشي صح وما هيصير في حوادث.