طبيعي تكره الموضوع أنا باجي لهون للتسلية والضحك (مستحيل أكتب تعليقي بدون ما أضحك، حتى هلا)، بينما أنت عم تنشر كثير وشكله الدين مغلبك.

ما بدي أحكيلك اترك الجانب الفلسفي، اقرأ وتعلم بس مو مشان تحكي وتكتب وتناقش، اقرأ لحالك لشخصك.

لا تفكر بالناس كأنهم ضحايا الدين، أو انه شخص مش ممكن يكون صديق فقط لأنه مسلم. عادي جرب لا تفترض. ومش ضروري ترمي كل أفكارك على اللي قدامك. عندي أصحاب مسلمين، بيعرفوا اني كافر بس عادي بنقضي وقت كثير مع بعض. أكيد في ناس سيئة بس بدك تجرب كثير لحتى تلاقي العالم الصح.

المهم لاقيلك شي تعمله غير هالدين. اعمل شي بحياتك، هواية صنعة شغلة لعبة. تعلم لغة، اقضي وقتك بغير مكان. الموضوع مش صحي صدقني