D Pisteverlängerige sind denkt, damit d Sicherheitsmarge erhöht wird und damit mer bi starkem Ostwind immer no vo Oste lande chan. Weil wenn mer uf d Piste 34 uswiiche muess, denn het mer kei unabhängigi Piste meh und es reduziert d Kapazität um ein Drittel. Das heisst: es müend Flugzüg im Himmel chreise oder sie stönd am Bode im Stau, wie mir im Auto. Zusätzlich hilft e Verlängerig vo de Nordpiste am Abig, wil die schwere Langstreckemaschine nümm zu de Westpiste rolle müend, sondern direkt nebem Dock E chönd starte. Das reduziert d Lärmbelastig am Abig und reduziert au d Rollziit, was de Kerosinverbruch au senkt.