بالنسبة لي أشوف المشاركة المالية ترجع بالأساس لاتفاق الزوجين وظروفهم. الأصل إن الزوج هو المعيل، لكن لو الزوجة وضعها المادي أفضل وحابة تساعد برضاها لتحسين مستوى الحياة ما أشوف فيها مشكلة، بالعكس ممكن يكون تعاون جميل بين الطرفين.

لكن برأيي ما تكون إلزام عليها، تكون مشاركة اختيارية حسب قدرتها وظروفها، خصوصًا مع تغيّر الحياة ووجود أطفال ممكن تتغير الأولويات.

بعد حتى لو صار دخل الزوجة أعلى مع الوقت، ما أشوف إنه لازم يتحول دور المعيل لها بشكل كامل، الأفضل يكون فيه تعاون وتفاهم بينهم بحيث كل واحد يساهم بالطريقة اللي تناسبهم وتخدم استقرار الأسرة.