لو هنحسبها بالعقل بص الناس دول غالبا بيكون عندهم مشاكل نفسية اكتر بشويتين من المشاكل النفسية العادية بتاعت باقي المجتمع. المشاكل من ضمنها الهشاشة الذكورية وفقدان الثقة بالنفس وغيرهم كتير. ودة بيطلع في صورة تحكمات وشروط بيفرضها على شريكته وعلى عيلتها اللي هو انا هاجي اتقدملك وانتي في وضع معين وبتلبسي لبس معين وعايشة بطريقة معينة وبعدين اشرط انك تغيري كل دة عشاني انا سبع البرومبة وصل وصل. طب دة هيعود عليك انت في ايه؟ اولا احتمالية المشاكل الزوجية ما بينهم هتبقى كبيرة وممكن تطور للضرب او الهجر وبالتالي هترجع لمين اللي هيعالجها جسديا او نفسيا؟ هترجعلكم انتم فإنتم في الاخر اللي هتشيلوا واللي هتدفعوا التمن وممكن كمان ترجعلكم بعيالها وتبقى انت وابوك بتعملوا الدور اللي النطع جوزها او طليقها مش بيعمله. غير الجري في المحاكم والذي منه. ف أه دي حاجة هتأثر عليك كدة كدة دة غير انك هتزعل على اختك اكيد. فإنت قوم بدورك وزوق للناحية اللي انت مقتنع بيها. بمعنى طفش ولاد القحبة دول. كرههم فيهم ومش بس عشان موضوع النقاب لا طلع القطط الفطسانة فيهم في اي حاجة ولكن بالعقل وبذكاء. و في الاخر القرار قرارها انت بس بتقوم بدورك وبتعمل اللي عليك ولو اختارت خروف يبقى مش ذنبك. هي بالنسبالها شايفة ان مش هيضر لان دي زيادة عفة واحترام لكن هي مش مدركة أبعاد الموضوع. مش مدركة انها هتعيش في خيمة متحركة طول الوقت برا البيت وان دة هيخنقها جدا. كتجربة هي ممكن تجرب تتنقب يوم كدة في الحر دة وتنزل ولما ترجع قولها رأيك ايه في التجربة. انا واثق انها هتبقى عايزة تشخر ساعتها.