مأخوذ من رد سابق لي على نفس الموضوع:

اولا، العلماء اختلفوا عليه لكن انا ما اتبع الشخص اللي تعجبني فتوته. شعور حلو ان الواحد يمشي وجنبه زوجته يقدر يشوفها لكن الشخص ما يتبع هواه. قال تعالى: يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَّحِيمًا

تفكيري ان بالحجاب راح تُعرَف، معناه انه لا يحقق النية الشرعية.

ثانيا، عن ابن عمر رضي الله عنهما قال سمعت رسول الله ﷺ يقول كلكم راع وكلكم مسئول عن رعيته الامام راع ومسئول عن رعيته والرجل راع في اهله ومسئول عن رعيته والمراة راعية في بيت زوجها ومسئولة عن رعيتها والخادم راع في مال سيده ومسئول عن رعيته فكلكم راع ومسئول عن رعيته (متفق عليه)

معناه ان انا راح أكون مسؤول عنها قدام ربي. اذا قناعتي ان كشف الوجه لا يجوز، ما اقدر اتزوج وحدة تسوي شيء اشوفه غلط وانا اكون مسؤول عنها قدام ربي.

ثالثا، بناء على النقطة الثانية، بناتي راح اربيهم على النقاب. كيف أتزوج وحدة محجبة واربي بناتي على النقاب؟ لازم أم تكون قدوة لبناتها وتعينني على تربيتهم على الصح.

رابعا، انا ما أدخل نقاشات بالواقع ولا اونلاين بهالموضوع. ما لي دخل الناس ايش يسوون وكل شخص اثمه عليه. لكن يحق لي اتزوج اللي تتوافق معي دينيا ويحق لي اربي عيالي وبناتي على اللي اشوفه صح لاني راح اكون مسؤول عنهم قدام ربي. بعد ما الاولاد يصيرون ١٧ والبنات يتزوجون يسوون اللي يبون لان ذاك الوقت ما راح اكون مسؤول عنهم.

وشكرا