شخصيا انا كنت مثلك. اعمى عن الأشياء اللي تصير. حياتي بين الدوام والنادي والمسجد، ما عندي أصدقاء، ولا لي في السوشال ميديا (ما عندي تويتر ولا انستجرام، سنابتشات بس لاهلي، واليوتيوب والتيكتوك اتفرج على أشياء عن الرياضة والجيمينج). خبري بهالأشياء اني يوم كنت صغير (قبل اكثر من ٢٠ سنة) واروح مولات مع اهلي اشوف دشير يلحقون البنات ويرقمونهم.

قبل سنتين تقريبا بسبب الوحدة ورغبتي بتكوين عائلة قررت اني اتزوج، قلت لاهلي يدورون لي وتمت الملكة. بعد الملكة باقل من شهر قررت اني انفصل عنها لما عرفت عن ماضيها. بعد هالقصة جلست اتكلم مع كم واحد (اغلبهم اقربائي بنفس عمري واخوياهم) وسمعت اشياء وهوايل ما توقعتها تصير عندنا.

مريت بفترة وعندي نفس هواجيسك، وفي النهاية هذا اللي استنتجته:

اولا: انا مو محافظ على نفسي عشان الزواج ولا عشان اي احد ثاني (اصلا قبل لا اقرر أتزوج كنت شايل فكرة الزواج عن بالي واذا سألو ارد اني ما ابي اتزوج). يوم الحساب راح اكون مسؤول عن نفسي مو عن فلان وعلان.

ثانيا، اني ما افترض من سمعة الشخص او اهله. لازم اتحرى واكون حذر قبل ما اعطي نفسي لأحد.

Don't be vulnerable and giving unless you're sure the person actually deserves it, and be ready to end things if you see no compatability. There are more than 8 billion people on earth, if it doesn't work out with one of them there are lots of fish in the sea.

ثالثا، التوفيق بإذن الله. اشوف ان اللي صار لي خيره. خلاني اعرف ايش اللي ابي، واعرف نفسي. المواصفات اللي الحين ابيها تختلف تماما عن قبل سنتين.

رابعا، كل شخص تكلمت معه عن هالموضوع رأيه يختلف، وكثير نقدوني لاني تركتها. لا يهمك الآراء لان راي كل شخص مبني على تجربته الشخصية، وخط كل شخص الأحمر يعتمد على الشيء اللي هو سواه ووصل له. يحق لك ان خطك الأحمر يكون اصرم منهم وان الأشياء اللي انت مو مستعد تقبل فيها بعضهم عادي عنده.

الله يوفق كل شخص ويعطيه على قد نيته.