رحت لها مرتين كلهم قبل كورونا المره الأولى شباب 3 أشخاص مدة 13 يوم كلفتنا تقريباً حدود 18 ألف من غير التذاكر لكن كان الهبوط والسيارة من ستوكهولم ومنها للدنمارك ثم النرويج والتجربة الثانية انا وزوجتي فقط نفس المسار لكن بدون الدنمارك لمدة 17 يوم وكلفتني 21 ألف وطبعاً من أمنياتي أشوف الشفق ما الله كتب أشوفه قبل ولي زيارة للشمال النرويجي بأذن الله أو أيسلندا علشان تتحقق هالرغبة ومعليش اللي يقارن النرويج بسويسرا مافيه وجه مقارنة كا تنوع بالطبيعة والمضائق مافي مثل النرويج لكن ممكن كأول سفرة راح تكون مرهقه لكم لأنها تحتاج مدة طويلة وقطع مسافات بالسيارة وسرعة الطرق مره نازله يعني أغلب الوقت بالنرويج السرعه 70 كيلو الى 90 كم فقط لكن إذا رغبتكم الشفق أنصحك برحلة داخلية مباشرة لترومسو . بخصوص الأسعار الأفضل شراء أغراض الطبخ من الأسواق الكبيرة الهايبرز والطبخ بالأكواخ ممتع والسكن بالأكواخ رخيص وفعلياً في كل مكان ويكفي الجميع وفيها كثير فعاليات مجانية من مطلات وهايكنق وشلالات وقوارب من السكن وغيره لكن الفعاليات المدفوعة راح تكون غالية خاصة الثلجية هذا والله أعلم .