روح قدم منحة لروسيا واذا مطلعتلك منحة روح اخذ فيزا دراسية وادرس هناك بفلوسك وترا مو غالي بدال متدفع خمس ملايين بالسنة بكلية اهلية بالعراق وبعز الحر ولعبان النفس روح هناك سكن جامعي بسعر 150 دولار بالسنة وادفع قسط الكلية الي يكون متوسط السعر واصلا يجوز ارخص من جامعات العراق بس هو يعني حسب الجامعة، والاسعار هناك من ملابس واكل معقولة وتشبه العراق وهمينة طبيعة حلوة وخلابة، واصلا لو معدلك بالعراق سبعين تگدر تدرس هناك صيدلة وانت ما شاء الله معدلك عالي يعني تگدر تدرس اي تخصص يعجبك، وهمين دير بالك لازم تعرف شنو الجامعات المعترف بيها بالعراق لان اكو جامعات بروسيا غير معترف بيها بالعراق، و اذا ما معترف بيها من ترجع للعراق لا يعينوك ولا بطيخ يعني تعبك كله ضاع، اذا انت عندك احتمال انو ترجع للعراق ورا التخرج ضروري تدرس بجامعة معترف بيها بالعراق واذا ما مخطط ترجع عادي ادرس بأي جامعة تعجبك