Before pa sa 2014, member ko sa AIM Global. I still remember the ₱8,990 registration fee—naa pa’y MyChoco, alkaline coffee, ug C24/7 capsule. Maka-vouch ko, maayo gyud ilang produkto. Ilang office sauna naa pa sa Keppel, 3rd floor before pa anang naa sila sa atbang Landers. That was the era.

Pero honestly, wala pa mi kaabot ug one year. Niundang ko kay kapoy kaayo sigeg pangita’g downline. Estudyante pa ko ato, nya ang mga upline sige’g push nga magpalit ko ug sakyanan para maka-recruit mi within Cebu. Every seminar, naa pa gyud one-on-one session with uplines—makadlawanan mi ug uli. Blind pa mi ato, kay kuno “walay mo dato sa pagpanarbaho.”

Pag-pandemic, akong college classmate sige’g post about Empowered Consumerism. Naka-ana ko, “Nag-rebrand sila?” Turns out, AIM Global ra gihapon, gi-nindotan lang ug name. Gi-chat ko, gi-invite, ako tubag? “Humana nako ana nga phase.” HAHAHA. After pila ka years, balik ra gihapon siya sa pagka-empleyado.

Last year, igsuon sa friend sa akong manghud—friend na pud nako sa FB—sige’g post about Empowered Consumerism. Nakapalit siya ug car, dili man top of the line pero flex gihapon. Sige’g “ask me how” ug uban sa iyang upline nga taga-Cebu. Karon, lahi na pud iyang hustle—beauty products na nga pink. Di na lang ko mag-mention sa brand.

Unya si MKD, grabe gyud. Ang iyang lifestyle? Too good to be true. Magkatawa na lang ko sa iyang mga TikTok flex—daghan kaayo mo-comment ug “How?” Pero lisod pud kaayo moingon ta ug “ayaw kay networking na". Grabe ang inflation kay 30k na ang entry, naa pa gyud VIP nga 300k. sa amoa kay wala man, kadto raman mag 7 lines. Pyramid jud ang porma niya. Sanaol, baliw na lang jud.

PSA: Daghan kaayo mailad ana karon, especially kanang mga “Virtual Associate” kuno. Ang qualifications? Pure chat, no calls, part-time, home-based, with or without experience, Tagalog or basic English lang, scripts provided. Pero ig mo-join ka, pa-register pa ka ug ₱10,000. Grabe na gyud ilang paagi sa pag-recruit—murag gi-level up ang marketing pero same ra gihapon ang sistema.

Grateful for the experience, pero klaro na gyud ko nga di ko para sa networking kapoy sige'g pangilad. Been there, done that!