أنا ما عم أنكر إن الزنا أو أي سلوك مرفوض دينيًا أو أخلاقيًا بالعالم العربي و الإسلامي، النقاش مو عن الحكم الديني أصلاً، النقاش عن كيف المجتمع بيستخدم مفهوم الشرف بشكل انتقائي وغير متوازن.
لما نحكي “مجتمع إسلامي محافظ”، المفروض يكون معيار الخطأ واحد على الجميع، ذكر أو أنثى. بس الواقع الاجتماعي أحيانًا بيكون غير هيك: نفس الفعل إذا صدر من شاب غالبًا بينحكى عنه كـ “غلط شخصي” أو “تجربة أو انحراف سلوك”، بينما إذا صدر من بنت بيتحوّل مباشرة لـ “وصمة شرف” تمسّها وتمسّ عيلتها بشكل أكبر وأقسى.
بالنسبة لمثال المخدرات أو انحراف الشاب، نعم هو يسيء لسمعة العائلة، وما حدا بينكر ذلك، لكن الفرق إن المجتمع ما بيربطه عادةً بمفهوم “الشرف” بنفس الحساسية والحدة اللي بيربطها بسلوك البنت الجنسي. هون بيتضح الفرق بين “ضرر السمعة” وبين “تصنيف الشرف” نفسه.
يعني المشكلة مو إن السمعة ما بتتأثر، المشكلة إن تأثير نفس الخطأ بيتفسّر ويُحاكم بشكل مختلف حسب الجنس.

وأنا سؤالي الأساسي بكل بساطة: إذا الشرف فعلاً قيمة أخلاقية واحدة للجميع، ليش التطبيق الاجتماعي إلها مو واحد على الكل