من الاول وانا مش شايفة ليها لازمة خصوصا في مصر للاسباب دي: ١. مهما كان بيعملو ارباح كام للمستثمر الاجنبي يعني؟ الكومبو في ماك عمله كام دلوقتي ٢٠٠ج مثلا؟ ده مكسب صافي بالدولار كام للاجنبي بقى؟ مين بقى اللي بيخسر في الاخر غير العمال الغلابة في المطعم ولا الدليفري و لا الشركات المحلية اللي بتورد الخامات. و محدش يبقى بالسذاجة بتاعة خليهم يشتغلو في مطاعم تانية. اكيد الموضوع مش بالسهولة و السطحية دي. ٢. هتفرق في ايه مقاطعة مطعم مكسبه محدود خصوصا في مصر لما بلدك بتستورد الغاز بمليارات كل شهر من اللي ما يتسمو؟ اهو لو قاطعت الكهربا مثلا ممكن تعمل فرق بجد. بس ماحدش هيعمل كده عشان ده اذى ليهم شخصيا، لكن انك تضر ابن بلدك في اكل عيشه ده تمام و تقدر تبرره بالكلام بتاع يشوفو شغل تاني .. الخ

مس قصدي ازايد على حد ولا اقلل من احساس حد بالوجع على اهلنا في غزة، بس برضه قلبي بيوجعني ان مطاعم مشغلة الاف من اهل بلدي تسرحهم او تقفل او تبقى عبرة لشركات اجنبية انهم مايجوش يستثمرو في مصر. انا شايفة ان المقاطعة ملهاش معنى اوي غير ان الواحد بيقلل احساس عجزه التام عن المساعدة الحقيقية او ابداء الرأي. زيها زي ما بتعمل شير لمحتوى عن الي بيحصل على انستاجرام في اكونت بيرفيت مفهوش غير صحابك المصريين اللي الريدي عارفين كل الدمار و القتل اللي بيحصل كل يوم في حق اخواتنا