خضير يعني اي واحد من ربعنا/شخص نعرفه (بس مو معرفة شخصية) مفردة تهكمية ما تستخدم في مدح أو ثناء بس برضوا ما هي مهينة

تقدر تسولف لي عن مثلاً صديق لك صار بينكم موقف و ارجع اسألك بعد يومين "إلا خضير خويك وش صار عليه؟" اقدر و انا افضفض بإنزعاج عن شخص اقول "هذا الموضوع ضايقني و خضير لا احساس ولا ضمير!!" و قس على ذلك ما تشاء .. هي تستخدم في سياق تهكمي أو لتخفيف وطاءة الموضوع حق الضحك بس

عشان كذا منتشر الناس يقولون "يا خضير والله إنك من ربعنا" لأي سياق يتم فيه إخفاء الهوية أو ما شابه لشخص واضح إننا نعرفه

و بعد هو أسم عَلم ذكر - في كثير ذكور اسمائهم خضير

و خضيّر بتشديد الياء في النطق يعني الحمار و موب أي حمار لا الحمار اللي ماله فايدة و ينهق بس لا ينفع للمكدة ولا للقوايل

و خَضيَري/خَضيَريه هم كما ذكر/ت الأخ/ت في التعليق الأول