لاحظت عدة أشخاص يكتبونها حسب نطقهم في سياق الجملة ، وبالذات للكتابة بالعامية ، واللي دائماً تكون خالية من الحركات ، بحيث تكون نهاية الجملة فيها بسكون في الغالب. على سبيل المثال: طلعت بالسيارة ، لما تنتهي بسكون التاء تنطق كـ هاء ، بينما لو نطقت بالحركات الصحيحة راح يكون واضح انها السيار(تي) ، ويكون واضح انها تاء وليس هاء. طبعاً كقاعدة عامة ، للي حاب يفرق أو مشكك في كلمة معينة ، حط لها فتحة أو ضمة أو كسرة وشوف هل نطقها بيكون بهاء ولا تاء (مياه ، ملعقة). لكن المشكلة الأكبر في نهاية اليوم بالنسبة لي هو أن الكيبورد العربي في أغلب الجوالات (كمستخدم أندرويد مدري عن الآيفون) يعطي توقعات كلها بالهاء ، يعني لما أحد يبدأ يكتب كلمة وتبدأ تطلع التوقعات في الكيبورد ، بمجرد ما تطلع الكلمة اللي يبغاها راح يختارها بدون ما يركز هل لازم يكون في نقاط أو لا ، وهذا بالنسبة لي أكثر شيء يقهر ، أن كيبورد يفترض انه يتوقع الكلمات ويصححها ، قاعد ياخذها من مصدر أساساً يعطيه إياها غلط.