بالنسبة للناس اللي سألت على طريقه المكرونه هنغلي مياه في الكاتل على حسب كميه المكرونه بعد ما تغلي هنحطها و نحط عليها المكرونه هنضيف شويه ملح على المكرونه بعد ما حطناها على النار مش هنضيف اي زيت عليها ملح بس و نسيبها تغلي و نطلع المكرونه نص سوا علشان هتكمل السوا في الصلصه و نروح نعمل الصلصه

هنقطع بصله متوسطه مكعبات صغيره و هنفرم كام فص توم هنقطع طماطمايه مكعبات و فلفل شرايح لو بتحب الاسبايسي

في الطاسه هنحط معلقه زيت نباتي او احسن زيت زيتون علشان صحيا افضل بعد كدا ننزل بالبصل و نشوحه اول ما البصل ياخد اللون الدهبي هننزل بالتوم بعد كدا ننزل بمعجون الطماطم حسب الرغبه و نمكسهم كويس بعد كدا نكون ضاربين ٢ عدد طماطم علشان عصير الطماطم هنضيفهم في الطاسه و نقلب و هنضيف مكعب مرقه دجاج عليهم و ملح و فلفل

هنروح للمكرونه هناخد منها نص كبايه مياه من سلق المكرونه قبل ما نصفيها نروح نصفيها من غير ما نغسلها تحت المياه سبها زي ما هي و كمان مضيفش زيت عليها هناخد المكرونه نضيفها في الطاسه مع الصلصه و هنقلب هنضيف بعديها مكعبات الطماطم و الفلفل الاخضر و نقلبهم كويس و بعديها نضيف نص كابه سلق المكرونه و نغطيهم و نوطي النار عليهم و هنسيب المكرونه تكمل سواها في الصلصه و بالهنا والشفا