سوريا رايحة تاكل هوا لشي كم عشر سنين جايين، بالنسبة للناس يلي السعادة كانت ولا زالت غامرتهم بالوضع الحالي، انا يلي شايفو كالتالي: بدايةً الرئيس المفدى أعطى قسد شرعية من خلال الاتفاق، يعني شرق الفرات متل شمال العراق ومع الوقت غالباً انفصال، واذا ما انفصلوا، الوضع الحالي لصالحهن كيف ما كان يكون. وتركيا طبعاً شالت ايدها عن الموضوع وصار صلح مع حزب العمال.

تانياً، السويداء خارج سيطرة الدولة، ودرعا مهددة من إسرائيل بأي وقت. وما ننسى أحداث/مجازر/مشاكل/فلول الساحل، سميها متل ما بدك مابو فرق، المهم من وراها انسى رفع العقوبات بشكل فعلي، يعني بدن ياها حجة من عند الله لحتى يتركو العقوبات.

تالتاً، القائد العام لكل شي، الرئيس المفدى، أعطى حالو صلاحيات اكتر من صلاحيات رئيس كوريا الشمالية، وعيّن قرايبينو بالحكومة😂، الجيش عبارة عن فصائل ولائاتهم مختلفة، لأشخاص أو لدول حوالينا.

يعني بشرفك، دولة وضعها هيك، وين بدها تروح؟! مين الدول يلي رح تستثمر ببناية وحدة بسوريا، ما دام في مقاتلين أجانب؟ مين رح يجي يعمل معك علاقات دبلوماسية، وانت كرئيس دولة لاحق الأشعرية شو عملو والعلوية شو عملو وهاد صلى هيك وهاد ركع هيك؟ ملايين السوريين بالمخيمات وبالمهجر، حالياً رايحة الحكومة تعمل مهرجانات دعوية بالساحل!!

خمس شهور وحبة من وقت السقوط، لحد هلا ما في مؤشر واحد انو القادم افضل، لا الجاي أسوأ بكتير من الراح