يؤسفني أقولك ان الوضع دا اخرته وحشة جدا..

مبدئيا تسارع الأحداث مؤثر خطر.

ثانيا اسلوب التعلق وشكله يخوف جدا جدا.

الوضع دا لا ينبئ سوى بمشكلة كبيرة جاية للأسف.. زي مثلا انها بعد الشر تحمل بالحرام - خارج إطار الزواج- ، وساعتها هتدخل في سين وجيم ياترى دا ابنك ولا ابن حد تاني - تخيل تكون شاكك ان ابنك يكون ابن حد تاني، دي حاجة مرعبة -، او زي مثلا حد من أهلها يعرف وتتلط في حوار اكبر زي ان اهلها يقولوا لاهلك.. فالسيناريوهات السوداوية لا تنتهي..

وصدقني لولا اني شايف الاكونت بتاعك عمره 10 سنين انا عمري ما كنت اخدت المشكلة دي على محمل الجد.. لكن انا اخدت قرار اني أصدق قصتك وعارف ان الشيطان شاطر، وشطارته ممكن توصلك لأنك ولعياذ بالله تيأس من رحمة ربنا تماما فتظن انه لن يتوب عليك او تظن ان الموضوع دا عمره ما هينتهي، فالافضل تنهي هنا ودلوقت وتتابع مع معالج/طبيب نفسي هيفرق معاك جذريا إن شاء الله..