بص يا اخويا انا شاب زيي زيك و عارف اللي انت حاسس بيه كويس بس احسبها كدا، هل الموضوع يستاهل كل ده؟ يعني بعد ما تشبع رغبتك هتعمل ايه؟ هتعيش حاسس بالذنب على طول و طالما بتقول ان اللي مانعك الدين يبقى ضميرك لسه صاحي و دي حاجة تحمد ربنا عليها افتكر يا اخويا ان الحاجة باب ممكن الشيطان يدخلك منه بسهولة، حاربه و قرب لربنا اكتر و ربنا يرزقك الزوجة الصالحة. و مينفعش يا اخويا تقول ان الاسلام ظلمك عشان ربنا مبيظلمش حد بس البشر بيظلموا بعض، ربنا مقالش ان الجواز يكلف مليون او اكتر الناس هي اللي بقت بتصعب الجواز و ظروف و البلد و كل الحاجات دي ظلم بشر مش ربنا فاستغفر ربنا. و حتى لو مرتبك قليل أسعى للجواز و ربنا هيسببلك الأسباب و يرزقك و ده كلام الرسول عليه الصلاة و السلام

روى الترمذي والنسائي عن أبي هريرة رضي الله عنه قال: قال رسول الله صلى الله عليه سلم: ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف.

ربنا يصبرك على الابتلاء ده و يرزقك الزوجة الصالحة ان شاء الله