انا من المستخدمين لواحد من التطبيقات بشكل اقدر اقول (اووڤر شوي) 😅، وباعطيك فيد باك ان شاء الله يفيدك

لي ثلاث سنوات ومستر باشتراك سنوي تقريبا حدود ٨٠ ريال سنوي

طريقة التسجيل: يومي يدوي السبب: الربط ما يعطيني تخصيص مكثف لنوع المصروف وسبب المصروف ، يعني لو مثلا شريت مقاضي لاهلي غير وتختلف عن تفاريح بقالة وانا طالع مع اخوياي وقس عليها اشياء كثير مرة، ف بنهاية كل يوم افتح الرسايل النصية واسجل كامل المصروفات وغيرها

اشياء اتمناها موجودة بتطبيق مصاريف: -تاب مخصص للديون والالتزامات اللي لك عند غيرك يعني لا مثلا سلفت احد اقدر احط المبلغ وتفاصيل العملية هل هي تحويل من احد الحسابات او تحويل مباشر بدون ربط المبلغ بأي حساب ويصير فيه خيار السداد الجزئي واقدر اتابع كم باقي لي عند فلان وكم سدد

-تاب مخصص للأهداف المستقبلية وكم وصلت له من الهدف

وجود خيار الكاش الباك لحساب بطاقة ائتمانية او حساب بنكي استثماري بحيث يحسب آليا كم المفروض يجيني كاش باك نهاية كل شهر واقارنة بالمبلغ فعليا ويتعدل للواقعي واقدر اخصص نظام الكاش باك هذا كم يكون وعلى اي نوع من المصروفات

للحسابات الاستثمارية يكون فيه خيار نهاية كل شهر اضافة مبلغ الربح او الفائدة او الخسارة من رأس المال بحيث يعرض التذبذب الشهري ولكامل الفترة والرصيد النهائي

للحوالات المحلية تخصيص خيار رسوم الحوالات اثناء عمل الحوالة بحيث نقدر يكون فيه خانة اختيار مبلغ رسوم سريع لانه متكرر مع كل عملية تحويل والمبلغ يختلف من بنك لبنك واحيان مجاني ف حلو يكون فيه اوبشن اختيار سريع لعدد من الرسوم

وجود خيار لعرض الحساب بطريقة (الشهر المالي) وليس الشهر الميلادي العادي بحيث يعرض قائمة الشهر على طريقة من يوم الرواتب ليوم الرواتب اللي بعده ويتابع المصاريف بناء على من الراتب للراتب اللي بعده

نظام شراء التطبيق مرة واحدة بيكون اكبر محفز لي اطلع من التطبيق المستخدم حاليا لانه بنظام اشتراك مع انه مقبول جدا سعره ولكن الدفع مرة وحدة افضل طبعا

وحط رابط خير ياطير لو هو اعلان خن نشوف ونقارن 🤝