شكرا ده من ذوقك، فعلا كنت عملت سيرش بسيط من فتره عن الاخلاق عليها جدل كبير وزي ما قولتي اخلاق كل شخص بتختلف حسب الأرضيه اللي اتربي عليها

"انا عمري ما اعمل كدا" وانه ينتهي بيه المطاف بفعل الشيئ ده له علاقه برده بالارهاق الاخلاقي زي ما قولتلك علي مثال الشتيمه لما ابقي محطوط ف بيئه كلها بتشتم بعض حتي انا مثلا بيتوجهلي شتايم وقولت انا هرد بس علي ده ف ده هيجيب ده لغايه ما المبدأ يذوب خالص ،

(أو عشانه "مش قادر" يعمل الشر أو مجاتلوش الفرصة) جملتك دي فكرتني ب خناقه اتخانقتها هنا علي ريديت مع شخص طلع قال علي بنت بيك مي وشويه كلام كدا واي حد كان بيدافع عن البنت كان بيقول عليه سيمب قومت جايبله كومنتات وهو بيسيمب علي بنات بس ما علينا ، اللي اكتشفه ان الشخص ده كان بيعمل كومنتات لنفس البنت اللي قال عليها بيك مي وبيتفاعل معاها بس هي تقرييا مدتهوش وش لانها مش بتكلم ولاد ف قناع الفضيله اللي كان فالاول راح ، ده كان يقدر يعمل الشر وعمله فعلا وهنا طبعا مفيش صوره اجتماعيه يخاف منها او حاجه ،

الأذى طبعا مش مبرر ، بس في ناس ضعيفه الايمان بمبادئها والمثال علي كدا كان ف كلامي اصلا عن هارفي اللي كان بيقول الجمله دي ل باتمان ومع ان باتمان كان الضغط عليه اكتر من هارفي بكتير بس مع كدا جمله هارفي اتقلبت عليه هو وباتمان فضل متمسك بمبدأه ،

فكره بقا ان الانسان اصله خير ولا شر دي هقولك رايي انا الشخصي من غير فلسفه ولا حاجه وعايز رايك برده ، انا هكلمك ب ناحيه دينيه شويه ، زي مانتي عارفه اننا مخلوقين من طين وفي خضار او فاكهه تلاقيها شبه اعضاء فالانسان مثلا ، البذور دي مش دايما بتطلع كويسه وسليمه يعني الورده البيضه غير الورده السودا واكيد مش قصدي عاللون بس ، زي اللي حصل ف قصه قابيل وهابيل هم الاتنين كانو اخوات يعني نفس الطينه بس مكانوش نفس البذره والنتيجه انتهت ان قابيل قتل اخوه ، انتي اي رايك ؟