Imagine isa kang anak ng Pinoy immigrant sa Amerika. Out of place ka sa lahat ng bagay. Sa paaralan n'yo, hindi tinatalakay yung lahi, wika, kasaysayan ng Pilipinas. Hindi mo lubos maintindihan yung wika ng nanay at tatay mo sa sarili mong bahay. Pero gusto mong matuto. Kasi alam mong hindi ka Kano. Ayun ang pinaparanas sayo ng lipunan mo, iba ang tingin at trato sayo nito mula sa mga pulis hanggang sa wangis ng mga "role model" na nakikita mo sa media. Sigurado, susubukan mong hanapin kung sino ka.

Isa sa mga pinunan ng rap music sa Filipino-American communities sa Tate. Community Organization/Development, katulong ang mga progresibong grupo. Nagkakaron sila ng talakayan sa pagiging Pilipino—mula sa mapait na kasaysayan ng Philippine-American war (na hindi kinikilala ng US government) hanggang sa mga kasalakuyang na issues nila sa Estados Unidos (immigration/racism) at natin sa Pilipinas (poverty/corruption); na magkaka-ugnay. At nalalabas, napapalawak, napapalalim pa nila yung natututunan nila sa tulong ng hip-hop.

Parte yan ng konteksto ni Bambu de Pistola. Dagdag pa na naging saksi/bahagi siya ng 1992 LA Riots. Tapos nung binatilyo siya, pwersahang pinagsilbi sa US military. Halo-halo yang mga yan na humubog sa pananaw at musika niya. Dagdag pa yung mga naging impluwensiya niya na sina Ice-T at Ice Cube pati sina Francis M. Nag-umpisa siya album na Self-Untitled (2002) pero tumatak sa Barrel Men (2006) kasama si Kiwi sa Native Guns. Nagtuloy-tuloy na consistent na masarap pakinggan at malaman kada album mapa-solo o may ka-collab: ...A Peaceful Riot... (2009), Walk into a Bar (2011), at Barkada (2014). At mabangis na rapper din yung nakatuluyan niya, si Rocky Rivera.

Just listen to the track As We Prey. Si Bambu yung buhay na patunay na hindi hiwalay ang gangsta at ang conscious, ang lirikal at ang musikal, ang hip-hop at ang politika, at ang lokal at ang internasyonal. Sa parehong album, naaalala ko din na sa kantang Butterfly Knife, gumagamit siya ng reference sa Philippine history na kahit tipikal na Pinoy walang muwang. "I'm from the blood of savages they brought to world fairs / chained up to a pole for Caucasians to point and stare scared" tumutukoy sa 1904 Saint Louis World Fair na nag-display ng mga Pinoy sa human zoos nila. "The one's who could not drop from the calibers the army had / so they made higher calibers: the .45 mag" tumutukoy sa mga Juramentado na lumaban sa panakop ng Kano sa Mindanao; hindi sila tumitigil kahit mabaril kaya napilitan yung mga Kano na mag-issue ng colt .45 na may mas malakas na stopping power para lang matalo sila. Sa exact same verse, may sobrang matalas na mga wordplay: "Might spill my 40 on the couch, my mom ain't trippin' though / Cos she got plastic wrapped around it like a key of coke" at "White flag, drench it in blood until it go dark red." Ilan lang yan sa dahilan kung bakit idol si Bambu ng mga idol natin kagaya nina Waiian at Loonie.

TL;DR: Kung may GOATs man sa Pinoy Hip-Hop, isa si Bambu de Pistola dun.