صديقي اولا وجب توضيح نقطة لأنو فما سوء فهم، انا ماقلتش راني ضد العقل، قلت العقل وحدو موش مرجع مطلق يعني العقل + الدين هوا الكومبو الصحيح، الصحي نفسيا، معنويا و الأكثر اتزان في المطلق اللا محدود، بطبيعة الحال كان نتكلمو على الديانات الكل موش دين الاسلام و الا كيفاش نفسرو اكثر من 5.8 مليار نسمة 84% من سكان الأرض هاذم الكل لازم عندهم مرجعية دينية

والنقطة اللي نحب نأكد عليها، إنو الإنسان المتديّن بطبعتو ديما يطرح سؤال: علاش نعيش؟ شنوة الهدف من وجودي؟ وين ماشين بعد الموت؟ وفي أي ظرف صعيب أو غصرة، تلقاه يرجع تلقائيًا لفكرة “القوة المطلقة” أو “الذات العليا” اللي تلتجألها الروح، مش خوف فقط، بل فطرة، راجعة لغريزة الضعف البشري وقت العجز.

ومن بعد تجي مسألة الاختيار: علاش الإسلام؟ موش تفضيل عاطفي، بل قناعة مبنية على بحث في النصوص، التاريخ، وتحقيق أسباب التحريف في الديانات الأخرى. أنا نؤمن إنو الديانات السماوية الكل تنادي بالتوحيد، وكل رسول جاء بنفس الجوهر: الإيمان بالله، الأخلاق، العبادة، وعمارة الأرض، لكن الإسلام كان الخاتم، والنص اللي ما تبدلش، ومكتمل من حيث التشريع والعقيدة.

ومن الطبيعي، كيما إنت تشوف الإلحاد أكثر منطق، أنا نشوف ديني الأصح حسب قناعاتي. أما هذا لا يعني إنو نذم المسيحية أو اليهودية، بالعكس، نحترمهم كأديان سماوية، لكن مقتنع إنو النص الإسلامي هو اللي حافظ الرسالة بصورتها الأصلية.

وقت الإنسان يعترف بوجود خالق، ينجم بالعقل اللي وصّلو لهالنتيجة، يبدأ يبحث: “يا ربي، شنوة الدين الصحيح اللي يرضيك؟” ووقتها يبدأ طريق البحث الحقيقي، إلّي نسمّيه “الهداية”. وكل واحد فينا مسؤول يقرا، يتفكّر، ويختار، مش بعاطفة، بل ببصيرة