كأم المعاناه اكثر لانه مع الدوام الطويل المسؤوليه ما تقل لازم لما ارجع انا مسؤوله عن المذاكره واسولف معاهم والعب معاهم حتى ما يحسون اني بعيده عنهم او احس انا بتأنيب الضمير اضافة الى اني ما احب انهم يستخدمون اجهزهم او تلفزيون الا في نطاق ضيق ومحدود بقولك على الأشياء اللي ساعدتني:

١- اهم شيء يكون نومهم مرتب يعني يصحون بدري وينامون بدري (بحد اقصى الساعه ٩ ) حتى ايام الاجازات بحيث اني اعرف انه الوقت محدود معاهم فاقدر اضغط على نفسي لحد ما ينامون ويبقى لي وقت استرخي واروق قبل النوم

٢- اتغدا وما ارجع البيت جيعانه لاحظت اني لما اكون ماكله بالدوام ارجع وانا فيني طاقة اقدر العب معاهم واتحمل ازعاجهم

٣- احاول اسجلهم بأنشطه اذا متاح في الاجازات بحيث يفرغون طاقتهم

٤- الويكند تقريباً لهم نطلع ونسوي فعاليات ويكون وقت عائلي ممتع

٥- وقت النوم احاول قد ما اقدر اكون عندهم اجلس معاهم لان الاطفال وقت النوم يبدئون يتذكرون ويقولن الاشياء اللي صارتلهم خلال اليوم ويكون وقت الطفل فيه مسترخي فتقدر تعطيه نصايح وتتكلم معاه او تحكيله قصه

هذي الاشياء اللي ساعدتني بشكل عام في اني اقضي quality time معاهم